Heim Innlent Vá í Stigahlíð

Vá í Stigahlíð

0

Föstudaginn 29. júní birtist frétt á vísir.is þar sem sagt frá því að sérsveit lögreglu hafi verið kölluð út vegna blóðugs manns í Stigahlíð. Nokkrum dögum áður var sérsveitin kölluð út á sama stað vegna manns vopnuðum hnífi. Ástæðan fyrir þessum atvikum í Stigahlíð er sú að fyrir nokkru tók Reykjavíkurborg hús á leigu þar sem 16 hælisleitendur eru hýstir. Í fréttinni stendur: „Lögreglan hefur á undanförnum mánuðum þurft ítrekað að hafa afskipti af íbúum í umræddu húsi, þar af nokkrum sinnum með aðstoð sérsveitar. Um er að ræða tímabundið búsetuúrræði fyrir umsækjendur um alþjóðlega vernd. Allt að sextán einstaklingar dvelja í húsinu í senn sem Reykjavíkurborg er með á leigu.“

Lítið fór fyrir því að borgin hefði leigt þetta hús undir þetta fólk. Þó að lögreglan hafi þurft að hafa afskipti af mönnunum í húsinu ítrekað undanfarna mánuði, þá virðast engar fréttir hafa verið birtar um ástandið í húsinu fyrr en eftir borgarstjórnarkosningarnar. Íbúar í götunni hafa skiljanlega áhyggjur þessu öllu saman, enda 16 erlendir hælisleitendur hýstir þarna og lögreglan stöðugt kölluð á þangað vegna þeirra.

Það er góð spurning hvers vegna þessir menn eru þarna og hvers vegna þeim er leyft að dveljast hér á landi. Og hví fá þeir að dveljast í fínu húsnæði á besta stað í bænum á meðan Íslendingar fá jafnvel ekkert húsnæði? Fyrst lögreglan þarf stöðugt að koma og skerast í leikinn þarna, ætti að vera löngu búið að loka þessu húsi og senda alla sem voru með vandræði þarna heim strax. Og auðvitað er nokkuð augljóst að enginn sem þarna dvelur á nokkurt erindi á Íslandi og því ættu þeir allir að vera sendir burt sem fyrst.

Fólk er farið að taka eftir að undarlegir hlutir eru að gerast í okkar fallega landi. Ókunnugu fólki fjölgar hér ört og atvikum sem þessu hefur fjölgað. Fólk hlýtur að spyrja sig: Hvers vegna er þetta að gerast? Hvers vegna er þessu leyft að gerast? Hversu margir eiga eftir að koma hingað? Miðað við núverandi stefnu stjórnvalda mun fjöldi útlendinga hér aukast ört á næstu árum og á endanum mun reyna á þolmörk íslensks samfélags og á þolinmæði íslensku þjóðarinnar. Á þeim tímapunkti munu þeir sem þessum hörmungum ollu óska sér að þeir gætu látið sig hverfa.

http://www.visir.is/g/2018180628680

Skilja eftir athugasemd

Vinsamlegast sláðu inn athugasemdina þína!
Vinsamlegast sláðu inn nafnið þitt hér